தமிழ்நாடு வேளாண்மை பல்கலைக்கழகம், சென்னை கிண்டியில் 18-ம் தேதி இன்ஸ்டன்ட் மிக்ஸ் உணவுப் பொருட்கள் தயாரிக்கும் பயிற்சி வகுப்பை நடத்தவுள்ளது. இதில் ரவா இட்லி மிக்ஸ், வெங்காய ரவா தோசை மிக்ஸ், சேமியா பாயாசம் மிக்ஸ், பஜ்ஜி மிக்ஸ், அரிசி உப்மா மிக்ஸ், அடை மிக்ஸ், மசாலா வடை மிக்ஸ், புளியோதரை மிக்ஸ் ஆகியவற்றை தயாரிப்பது குறித்து செய்முறை விளக்கம் அளிக்கப்படும்.
மேலும், 19-ம் தேதி பிரவுனி வகைகள் தயாரிப்பதில் பயிற்சி அளிக்கப்பட உள்ளதுடன், இதில் முட்டை மற்றும் முட்டை இல்லாத பிரவுனி வகைகள், மெல்லும் பிரவுனிகள், வால்நட், வேர்கடலை, பட்டர் ஸ்காட்ச், கேரமெல், சாக்லேட், நியூடெல்லா, ராஸ்பெர்ரி மற்றும் தேங்காய் பிரவுனிகள் ஆகியவற்றை தயாரிப்பது பற்றி கற்றுக்கொடுக்கப்படும்.
இந்த பயிற்சி வகுப்புகளில் பெண்கள், மாணவர்கள், சுயஉதவிக் குழுவினர், இளைஞர்கள் மற்றும் தொழில் முனைவோர் அனைவரும் கலந்து கொள்ளலாம். இந்த பயிற்சியில் பங்கேற்க விரும்புவோர் 044-29530048 என்ற தொலைபேசி எண்ணில் முன்பதிவு செய்யுமாறு அறிவுறுத்தப்படுகிறது.
