பிக் பாஸ் சீசன் 4-ல் இரண்டாம் இடம் பெற்றதும், பிக் பாஸ் அல்டிமேட்-ல் டைட்டில் வின்னராகவும் இருந்த நடிகர் பாலாஜி முருகதாஸ், தற்போது பயர் என்ற படத்தில் கதாநாயகனாக அறிமுகமாகிறார். சதீஷ் குமார் இயக்கிய இந்த படம் 2020-ம் ஆண்டில் நடந்த நாகர்கோவில் காசி வழக்கை மையமாக கொண்டு உருவாக்கப்பட்டுள்ளது. காசி என்ற கதாபாத்திரத்தில் பாலாஜி நடிக்கிறார், இது பெண்களை பாலியல் வன்கொடுமை செய்து அவற்றை மிரட்டி பணம் பறிக்கும் குணமுடைய மனிதரின் கதையைக் கூறுகிறது.
இந்த படத்தில் சந்தினி தமிழரசன், ரச்சிதா மஹாலட்சுமி, சாக்ஷி அகர்வால், காயத்ரி சான் மற்றும் சிங்கம் புலி ஆகியோர் முக்கிய கதாபாத்திரங்களில் நடித்துள்ளனர். ஜேஎஸ்கே பிலிம் கார்ப்ரேஷன் தயாரித்த இந்த படத்திற்கு டிகே இசையமைத்துள்ளார். இப்படத்தின் டீசர், டிரெய்லர் மற்றும் லிரிக் பாடல் நல்ல வரவேற்பை பெற்றுள்ளன.
பயர் படம் அடுத்த மாதம் 21-ஆம் தேதி வெளியிடப்பட உள்ளது.
