2023-ம் ஆண்டு நெல்சன் இயக்கத்தில் ரஜினிகாந்த் நடித்த ஜெயிலர் படம் மிகப் பெரிய வெற்றியுடன் ₹600 கோடி வசூலித்தது. வசந்த் ரவி, ரம்யா கிருஷ்ணன், யோகி பாபு, விநாயகன் உள்ளிட்டோர் முக்கிய கதாபாத்திரங்களில் நடித்திருந்தனர். சன் பிக்சர்ஸ் தயாரித்த இந்த படத்திற்கு அனிருத் இசையமைத்தார். அதன் பின், ஜெயிலர் படத்தின் இரண்டாம் பாகத்தை இயக்க முடிவு செய்துள்ள நெல்சன், இதன் படப்பிடிப்பை ரஜினிகாந்த் கூலி படத்தின் படப்பிடிப்பு முடிந்தவுடன் தொடங்கவுள்ளார்.
பொங்கல் பண்டிகையை முன்னிட்டு ஜெயிலர் 2 படத்தின் அதிகாரபூர்வ அறிவிப்பை டீசர் வெளியிட்டு அறிவிக்கப்பட்டது. இந்நிலையில், ஜெயிலர் 2 படத்தின் அறிவிப்பு டீசரின் மேக்கிங் வீடியோ தற்போது படக்குழுவினால் வெளியிடப்பட்டுள்ளது. இந்த வீடியோவில் நெல்சன் மற்றும் அனிருத் முக்கியமான இடங்களில் உள்ளனர், மேலும் இது இணையத்தில் வைரலாகி வருகிறது. ஜெயிலர் 2 படப்பிடிப்பு துவங்குவதற்கு ரசிகர்கள் மிகவும் எதிர்பார்த்து வருகின்றனர்.
