2012-ம் ஆண்டு 'போடா போடி' திரைப்படத்தை இயக்கி தமிழ் சினிமாவில் அறிமுகமான விக்னேஷ் சிவன், தற்போது முன்னணி இயக்குனர்களில் ஒருவராக வலம் வருகிறார். 2022-ம் ஆண்டு நயன்தாராவை காதலித்து திருமணம் செய்த இவர், தற்போது 'எல்ஐகே' என்ற படத்தை இயக்கி வருகிறார். சமீபத்தில், இவர் புதுச்சேரி சுற்றுலாத்துறை அமைச்சர் லட்சுமி நாராயணனை சந்தித்து பேசினார்.
இந்த சந்திப்பில், விக்னேஷ் சிவன் மற்றும் அவரது அணியினர் 'சீகல்ஸ்' ஓட்டலை விலைக்கு கேட்டதாக தகவல்கள் வெளியானதை அடுத்து, அது இணையத்தில் வைரலானது. இதற்கு பதிலளித்த விக்னேஷ் சிவன், அந்த கேள்வி தனது அணியுடன் வந்த உள்ளூர் சினிமா துறை நபரால் கேட்டதாகவும், இது ஒரு தவறான புரிதல் எனவும் கூறினார்.
புதுச்சேரி சுற்றுலாத்துறை அமைச்சர் லட்சுமி நாராயணன் இதனை தெளிவாக விளக்கி, "இயக்குனர் விக்னேஷ் சிவன் என்னை சந்தித்து, படப்பிடிப்பிற்கான அனுமதிகளையும், கலை நிகழ்ச்சிகள் நடத்த இடங்களைப் பற்றி விசாரித்தார். அப்போது, அவர் அணியுடன் வந்த நபர் 'சீகல்ஸ்' ஓட்டலை விற்பது குறித்து கேட்டார். ஆனால், அரசாங்கம் எந்த இடத்தையும் விற்க அனுமதிப்பதில்லை" என்றார்.
இது போல், அரசாங்கத்தின் சொத்துகள் அனைத்தும் குடியரசு தலைவரின் பெயரில் உள்ளன என்று அமைச்சர் கூறியுள்ளார்.
