தென்னிந்திய சினிமாவின் முன்னணி நடிகர் அஜித், துணிவு படத்தின் வெற்றிக்குப் பிறகு, விடாமுயற்சி என்ற புதிய படம் மூலம் திரைக்கு வருகிறார். மகிழ் திருமேனி இயக்கும் இந்த படம், அஜித் முதல் முறையாக ஆக்சன் திரில்லர் கதையில் நடித்து வரும் படம். இப்படத்தில் அர்ஜுன், திரிஷா, ரெஜினா, சந்தீப் கிஷன், ஆரவ் மற்றும் பல முன்னணி நடிகர்கள் முக்கிய கதாபாத்திரங்களில் நடிக்கின்றனர்.
இப்படத்திற்கு இசையமைத்துள்ளார் பிரபல இசையமைப்பாளர் அனிருத். லைகா நிறுவனம் இப்படத்தை தயாரித்துள்ளது. தமிழ், மலையாளம், தெலுங்கு மற்றும் கன்னடம் ஆகிய மொழிகளில் படம் வெளியாகவுள்ளது. இப்படத்தின் டீசரில் "எல்லோரும் எல்லாம் கைவிடும்போது உன்னை நம்பு..." என்ற வசனம் ரசிகர்களிடையே பெரும் உற்சாகத்தை ஏற்படுத்தியுள்ளது.
இந்த படத்தின் "சவதீகா" என்ற பாடல் ஏற்கனவே வைரலாகி, ரசிகர்களிடம் பெரிய எதிர்பார்ப்பை உருவாக்கியுள்ளது. ஆரம்பத்தில், படம் ஏப்ரல் 10-ம் தேதி வெளியாகும் என அறிவிக்கப்பட்டாலும், படக்குழுவினரின் முடிவின் பேரில் விடாமுயற்சி படத்தை ஜனவரி இறுதியில் திரைக்கு கொண்டு வர முடிவு செய்யப்பட்டது.
இதற்கிடையில், விடாமுயற்சி திரைப்படத்திற்கு 'யு/ஏ' சான்றிதழ் வழங்கப்பட்டுள்ளது என சமீபத்தில் சென்சார் சான்றிதழ் இணையத்தில் வெளியாகியுள்ளது. இப்படம் 2 மணி 30 நிமிடங்கள் நீளமாக இருக்கும் என்றும் அதில் குறிப்பிடப்பட்டுள்ளது. இப்போது, இப்படத்தின் வெளியீடு அடுத்த மாத இறுதியில் திரைக்கு வரவுள்ளதால், ரசிகர்கள் மிகுந்த காத்திருப்பு நிலைமையில் உள்ளனர்.
