தமிழ் சினிமாவின் முன்னணி நடிகர்களில் ஒருவரான சிவகார்த்திகேயன், அவரது 25-வது படமான பராசக்தி மூலம் ரசிகர்களை கவரப்போகிறார். இந்த படம் பிரபல இயக்குனர் சுதா கொங்கரா இயக்குகிறார், அவர் சூரரைப் போற்று படத்தின் இயக்குனராக பிரபலமானவர். ஆரம்பத்தில் "எஸ்கே 25" என அழைக்கப்பட்ட இந்த படம் தற்போது பராசக்தி என்ற தலைப்பில் வெளியாகியுள்ளது.
இத்திரைப்படத்தில் ஜெயம் ரவி, ஸ்ரீலீலா மற்றும் அதர்வா ஆகிய நடிகர்கள் முக்கிய கதாபாத்திரங்களில் நடிக்கின்றனர். 1965 ஆம் ஆண்டு நடந்த இந்தி திணிப்பு சம்பவத்தை மையமாகக் கொண்டு இந்த படம் உருவாக்கப்படுகிறது. சிவகார்த்திகேயன் கல்லூரி மாணவராக நடிக்கின்றார்.
இந்த படத்தை டான் பிக்சர்ஸ் நிறுவனம் தயாரிக்கின்றது, ஆகாஷ் பாஸ்கரன் தயாரிப்பாளர். இசையமைப்பாளர் ஜிவி பிரகாஷ் இந்தப் படத்திற்கு இசை அமைக்கிறார். கடந்த ஆண்டு டிசம்பர் மாதம் படப்பிடிப்பு பூஜையுடன் தொடங்கப்பட்டு, மிகுந்த விறுவிறுப்பாக படப்பிடிப்பு நடைபெற்று வருகிறது.
தற்போது, பராசக்தி படத்தின் டைட்டில் டீசர் இணையத்தில் வெளியாகி வைரலாகி வருகிறது. இந்த படம் தமிழ் சினிமாவில் மிக எதிர்பார்க்கப்படும் படமாக மாறியுள்ளது.
