பிரபல இயக்குனர் ராம், தனது 'கற்றது தமிழ்', 'தங்க மீன்கள்', 'பேரன்பு', 'தரமணி' போன்ற வெற்றி படங்களுடன் ரசிகர்களின் மனதை வென்றவர். நீண்ட நாட்களுக்கு பின், அவர் இயக்கிய 'ஏழு கடல் ஏழு மலை' என்ற புதிய படத்தில் நிவின் பாலி மற்றும் சூரி முக்கிய கதாபாத்திரங்களில் நடித்துள்ளனர். இப்படத்திற்கு இசையமைப்பாளர் யுவன் சங்கர் ராஜா மற்றும் ஒளிப்பதிவாளர் ஏகாம்பரம் பணியாற்றியுள்ளனர்.
இந்த படம், 'மாநாடு' படத்தைத் தொடர்ந்து, தயாரிப்பாளர் சுரேஷ் காமாட்சி தனது V ஹவுஸ் புரொடக்சன்ஸ் நிறுவனத்தின் மூலம் தயாரித்துள்ளார். இப்படத்தின் பணிகள் நிறைவடைந்த நிலையில், சமீபத்தில் ரோட்டர்டாம் சர்வதேச திரைப்பட விழாவில் திரையிடப்பட்டு, அதன் பின்னர் ரஷ்யாவின் மாஸ்கோ சர்வதேச திரைப்பட விழாவில் திரையிடப்பட்டது. அங்கு இப்படத்திற்கு நல்ல வரவேற்பு மற்றும் பாராட்டுகள் கிடைத்தன.
சமீபத்தில் வெளியான இப்படத்தின் கிளிம்ப்ஸ் வீடியோ மற்றும் பாடல்கள் வைரலாகி ரசிகர்களிடையே பெரும் ஆர்வத்தை ஏற்படுத்தியுள்ளன. இப்படம் வரும் பிப்ரவரி மாதத்தில் திரையரங்குகளில் வெளியாக உள்ளது. தற்போது, இப்படத்தின் டிரெய்லர் வெளியிடப்பட்டுள்ளது, மேலும் இந்த படத்திற்கு பெரும் எதிர்பார்ப்பு உள்ளது.
