போரூரில் அடுக்குமாடி குடியிருப்பில் பொங்கல் திருவிழா கோலாகலமாக கொண்டாட்டம்
போரூர் ஓசியன் குளோரோபில் அடுக்குமாடி குடியிருப்பில், ஞாயிற்றுக்கிழமை நடைபெற்ற பொங்கல் திருவிழா மகிழ்ச்சியும் பாரம்பரியமும் நிறைந்திருந்தது. ‛கார்னிவெல் - அப்பார்ட்மென்ட் கொண்டாட்டம்' என்ற பெயரில், ‛கிட்டீ பட்டீ, பூர்விகா அப்ளையன்ஸ், மயில் மார்க் ஹோம் கேர் புரோடக்ட்ஸ் மற்றும் போகா ஈவென்ட்' ஆகிய நிறுவனங்களின் ஒத்துழைப்பில், இந்த நிகழ்ச்சி நடைபெற்றது.
பாரம்பரிய விறகு அடுப்பில் பொங்கல் வைப்பது விழாவின் சிறப்பாக இருந்தது. குடியிருப்பு வாசிகள் குடும்பத்துடன் கலந்து கொண்டு பாரம்பரிய முறையில் பங்கேற்றனர். இந்நிகழ்ச்சி மூலம், குடியிருப்பு முழுவதும் திருவிழா களமாக மாறியது.
மேலும், மாட்டு வண்டி சவாரி சிறுவர்களுக்கும் பெரியவர்களுக்கும் மகிழ்ச்சியை அளித்தது. அனைத்து வயதினரும் பாரம்பரிய ஆடைகளை அணிந்து உற்சாகமாக கலந்து கொண்டனர்.
நிகழ்ச்சி பிற்பகல் 2:00 மணிக்கு தொடங்கி பல மணி நேரம் மகிழ்ச்சியுடன் கொண்டாடப்பட்டது. இந்த பொங்கல் திருவிழா, பரம்பரிய கலைகளையும் சுவைகளையும் அடுக்குமாடி வாழ்வில் கொண்டு வருவது மட்டுமல்லாமல், சமுதாய ஒற்றுமையையும் வலுப்படுத்துகிறது.
நிகழ்ச்சி ஏற்பாட்டாளர்கள், இத்தகைய விழாக்கள் சமூக உறவுகளை வளர்க்கும் உறுதியான பாதையாக செயல்படுகின்றன என்று தெரிவித்தனர். எதிர்காலத்திலும், இதுபோன்ற நிகழ்வுகள் அதிகமாக நடைபெறும் என உறுதியளித்தனர்.
