தர்மபுரி மாவட்டம் நல்லம்பள்ளி வட்டம் பாலவாடி ஊராட்சியில் உள்ள கானாப்பட்டி அரசு நடுநிலைப் பள்ளியில் கர்மவீரர் காமராசரின் முழு உருவ வெண்கல சிலை இன்று திறக்கப்பட்டது. ரூ.7 லட்சம் மதிப்பில் 7 ½ அடியில் நிறுவப்பட்ட இந்த சிலையை ஊராட்சி மன்ற தலைவர் பெ.கணேசன் மற்றும் அவரின் பேத்தி வேதா ஸ்ரீ அவர்கள் திறந்து வைத்தனர்.
இந்த நிகழ்ச்சியில், காமராசர் சிலைக்கு மாலை அணிவித்து மலர் தூவி மரியாதை செலுத்தப்பட்டது. பள்ளி தலைமை ஆசிரியர் ஆறுமுகம் மற்றும் ஆசிரியர்கள், ஊர் பொதுமக்கள் அனைவரும் இந்த நிகழ்வில் கலந்துகொண்டு காமராசர் சிலைக்கு மரியாதை செலுத்தினர்.
இந்த நிகழ்ச்சியில் பள்ளி மாணவ மாணவிகள் பேச்சுப் போட்டி மற்றும் கலை நிகழ்ச்சிகளை நடத்தியனர், மேலும் ஊர் கவுண்டர் மணி வாசகம், மந்திரி கவுண்டர் சரவணன், முன்னாள் நாடாளுமன்ற உறுப்பினர் தீத்தராமன், டாக்டர் சக்திவேல், குமார், மாதையன், பெரியசாமி, சின்னசாமி, ரங்கநாதன், கன்னியப்பன், தனபால், பில்டிங் பெருமாள், சரவணன் மற்றும் பலர் கலந்துகொண்டனர்.
இந்நிகழ்ச்சியின் இறுதியில், பொதுமக்களுக்கு அன்னதானம் வழங்கப்பட்டது, இதன் மூலம் பகிர்ந்துகொள்ளும் அன்பு மற்றும் சமூகத்தின் சீரான வளர்ச்சியைக் காண முடிந்தது.
