பழனி நகரில் நேற்று கோவை காவலர் பயிற்சி பள்ளியில் 1977–78 ஆம் ஆண்டு பயிற்சி பெற்ற ஓய்வு பெற்ற காவல்துறை அதிகாரிகளின் மூன்றாம் ஆண்டு சங்கம விழா சிறப்பாக நடைபெற்றது. நீண்ட கால சேவைக்குப் பின் ஓய்வு பெற்ற காவல்துறை அதிகாரிகள் மீண்டும் ஒன்று கூடிய இந்த நிகழ்ச்சி, நினைவுகளைப் பகிர்ந்து கொள்ளும் சந்திப்பாக அமைந்தது.
இந்த சங்கம விழாவிற்கு ஓய்வு பெற்ற டிஎஸ்பி திண்டுக்கல் ராஜேந்திரன், ஓய்வு பெற்ற ஆய்வாளர் முத்துகிருஷ்ணன், பழனி டிஎஸ்பி கேம்ப் காவல் கண்காணிப்பாளர் ஆர். பாண்டியராஜன் உள்ளிட்டோர் சிறப்பு அழைப்பாளர்களாக கலந்து கொண்டனர். மேலும் மாநில பொதுச் செயலாளர் பாலு, தொகுப்பாளர் முத்துகிருஷ்ணன், ஒருங்கிணைப்பாளர் ரத்தினசபாபதி, கோவை மற்றும் தேனி மாவட்டங்களைச் சேர்ந்த கோவிந்தராஜ், சுப்புராஜ், பொன் முனிசாமி, மணிமாறன், கோவை சம்பத், பழனி கே. பாலசுப்பிரமணியம் உள்ளிட்ட பலர் பங்கேற்றனர்.
விழாவின் ஒரு பகுதியாக பழனி ரயில் உபயோகிப்பாளர் நல சங்கம் சார்பில் செயலாளர் எஸ்.வி. நாகேஸ்வரன், கே. பாலசுப்பிரமணியன், சீனிவாசன் மற்றும் ஆசிரியர் பாலகிருஷ்ணன் ஆகியோர் கலந்து கொண்டு பஞ்சாமிர்த பிரசாதம் வழங்கினர். இந்த நிகழ்ச்சி அனைவரிடமும் மகிழ்ச்சியையும் ஆன்மிக உணர்வையும் ஏற்படுத்தியது.
மேலும் மீனா மெடிக்கல் நிறுவனத்தைச் சேர்ந்த ஆர். கணேசன், மண்டப உரிமையாளர் ஆறுமுகம் உள்ளிட்டோர் நிகழ்ச்சிக்கு ஆதரவு வழங்கினர். பழனி மற்றும் சுற்றுவட்டார பகுதிகளைச் சேர்ந்த காவல்துறை அதிகாரிகள் கோவிந்தராஜ், சுப்புராஜ், முனியாண்டி, சந்திரன், ஆறுமுகம், ரத்தினசபாபதி உள்ளிட்டோர் கலந்துகொண்டனர். மொத்தமாக ஏழு மாவட்டங்களைச் சேர்ந்த ஓய்வு பெற்ற காவல்துறை அதிகாரிகள் இந்த சங்கம விழாவில் பங்கேற்றனர்.
நிகழ்ச்சியில் காவல்துறை பணியில் அனுபவித்த நினைவுகள், சமூகத்தில் காவல்துறையின் பங்கு, ஓய்வுக்குப் பிந்தைய வாழ்க்கை உள்ளிட்ட பல்வேறு கருத்துகள் பகிரப்பட்டன. இத்தகைய சங்கமங்கள் சமூக ஒற்றுமையை வலுப்படுத்துவதோடு, பழைய நட்புகளை புதுப்பிக்கும் வாய்ப்பாக அமைகின்றன என்று பங்கேற்பாளர்கள் தெரிவித்தனர்.
விழாவின் இறுதியில் அனைவருக்கும் சைவ மற்றும் அசைவ விருந்து வழங்கப்பட்டு, நிகழ்ச்சி இனிதே நிறைவடைந்தது.
