பழனி முருகன் மலை கோவிலில் சூரசம்கார விழா ஆண்டுதோறும் மிகச் சிறப்பாக கொண்டாடப்படுகிறது. இவ்விழா தினமான இன்று, ஏராளமான பக்தர்கள் கோவிலுக்குச் செல்லும் வழியில் மாலை நேரம் முதல் திரண்டு வழிபாடுகளில் ஈடுபட்டனர். சூரசம்காரத்தை முன்னிட்டு மூலவர் சிலைக்கு சிறப்பு அலங்காரம் செய்யப்பட்டு, அபிஷேகங்கள் மற்றும் பல்வேறு பூஜைகள் மிகுந்த பக்தி உணர்வுடன் நடத்தப்பட்டன.
சஷ்டி விரதம் மேற்கொண்ட பக்தர்கள் இந்த விழாவில் பங்கேற்று தங்களது விரதத்தை நிறைவு செய்யும் நிகழ்வும் பாரம்பரிய முறையில் நடைபெற்றது. பக்தர்கள் பல நாட்களாக உண்ணாமலோ குறைந்த அளவில் உண்ணியவோ சஷ்டி விரதத்தை கடைபிடித்துள்ளனர். இன்று திரு ஆவினன்குடியில் தண்டு விரதத்தை முடித்து, முருகனின் அருளை நாடி இறுதி வழிபாடுகளை முடித்தனர்.
முருக பக்தர்கள், சூரசம்காரத்தை நினைவுகூர்ந்து தங்களுக்கு ஏற்பட்டுள்ள துன்பங்களை, தொல்லைகளை நீக்கி, வாழ்வில் மகிழ்ச்சியும் ஆனந்தமும் கிடைக்க வேண்டி சஷ்டி விரதத்தை கடைபிடித்து வருகின்றனர். சூரசம்கார தினத்தில் விரதம் மேற்கொள்வது பெரும் புண்ணியமாகக் கருதப்படுகிறது.
