பழனி சிவாலயா யோகா மையம் மற்றும் பழனி நகர அரிமா சங்கம் இணைந்து ஏற்பாடு செய்த யோகாசனப் போட்டி மற்றும் உலக சாதனை நிகழ்ச்சி பழனி அங்காள பரமேஸ்வரி மண்டபத்தில் சிறப்பாக நடைபெற்றது. இந்த நிகழ்ச்சியில் யோகா ஆர்வலர்கள் மற்றும் பள்ளி மாணவர்கள் உள்ளிட்ட பலர் கலந்து கொண்டனர். இந்நிகழ்ச்சியில் பத்துக்கும் மேற்பட்ட மாணவர்கள் தங்களின் தனித்திறமைகளை வெளிப்படுத்தி குளோபல் சாதனை நிகழ்த்தினர்.
நிகழ்ச்சியின் ஒரு பகுதியாக நீண்ட நேரம் சக்கராசனம் மற்றும் விருட்சாசனம் போன்ற யோகா ஆசனங்கள் மெய்மறக்கச் செய்தன. இந்த ஆசனங்களின் மூலம், யோகா பயிற்சியின் மானசிக, உடல் ஆரோக்கியம் ஆகியவற்றின் மேன்மையை மாணவர்கள் வெளிப்படுத்தினர். ஆரோக்கியத்தையும், ஆன்மீகத்தையும் ஒருங்கே மேம்படுத்தும் இந்த யோகாசனங்கள் பெரும் பாராட்டை பெற்றன.
முக்கியமாக, “சாம்பியன் ஆப் சேம்பியன்” என்ற தலைப்பில் ஐந்து ஆசனங்களை செய்யும் ஒரு போட்டி நடத்தப்பட்டது. இதில் சிறப்பான திறமையை வெளிப்படுத்திய மாணவர்களுக்கு முதல் மூன்று பரிசுகள் வழங்கப்பட்டன. இந்தப் போட்டியில் பொள்ளாச்சி வாமதேவா யோகா மையத்தைச் சேர்ந்த மாணவர் ஓவரால் சாம்பியன் ஆகி முதல் பரிசை வென்றார். இரண்டாம் பரிசு யுனைடெட் பப்ளிக் ஸ்கூல் மாணவி பெற்றார், மூன்றாம் பரிசை சேலத்தைச் சேர்ந்த மாணவர் பெற்றார்.
போட்டியில் பொள்ளாச்சி, மடத்துக்குளம், உடுமலை, கம்பம், சேலம், திண்டுக்கல், ஒட்டன்சத்திரம், பழனி உள்ளிட்ட பல்வேறு பகுதிகளைச் சேர்ந்த ஆயிரத்துக்கும் மேற்பட்ட மாணவர்கள் கலந்து கொண்டு தங்கள் திறமைகளைப் பதித்தனர்.
