தாராபுரத்தை அடுத்த நஞ்சியம்பாளையத்தில் வட்ட சட்டப்பணிகள் குழு சார்பில் பெண்களுக்கான விழிப்புணர்வு முகாம் நடைபெற்றது. இந்த முகாமுக்கு வட்ட சட்டப்பணிகள் குழு தலைவர் மற்றும் சார்பு நீதிபதி சக்திவேல் தலைமை வகித்தார்.
முகாமின் முக்கிய அம்சமாக, போக்குவரத்து காவல் உதவி ஆய்வாளர் சுதா மற்றும் அனைத்து மகளிர் காவல் நிலைய சிறப்பு உதவி ஆய்வாளர் மண்டோதரி ஆகியோர் பெண்கள் மற்றும் பெண் குழந்தைகளுக்கு எதிரான பாலியல் குற்றங்கள் குறித்து விழிப்புணர்வு ஏற்படுத்தினர். மேலும், பெண்கள் பாதுகாப்புக்கு உள்ள போக்சோ சட்டத்தின் (POCSO Act) முக்கியத்துவம் பற்றி தெளிவாக விளக்கினர்.
வழக்கறிஞர்கள் சகுந்தலா, சசிகலா உள்ளிட்ட பலர் முகாமில் கலந்து கொண்டு, பெண்களுக்கு சட்ட ரீதியான பாதுகாப்புகள் மற்றும் ஆதரவுகள் குறித்து வழிகாட்டுதல்களை வழங்கினர். இதில் பல்வேறு கிராமங்களைச் சேர்ந்த பெண்கள் கலந்து கொண்டு பயன்பெற்றனர்.
முகாமின் மூலம் பெண்களிடம் சட்ட விழிப்புணர்வு அதிகரிக்க வேண்டும் என்பதே நோக்கம்.
