காஞ்சிபுரம்:
காஞ்சிபுரம் ஒன்றியம், சிறுகாவேரிப்பாக்கத்தில் ஒருங்கிணைந்த பள்ளி கல்வி மற்றும் ஹேண்ட் இன் ஹேண்ட் இந்தியா நிறுவனத்தின் சார்பில், பள்ளி செல்லா மற்றும் பள்ளியிடை நின்ற குழந்தைகளுக்கான உண்டு உறைவிட சிறப்பு பயிற்சி மையம் சிறப்பாக இயங்கி வருகிறது.
இங்கு, முதுநிலை திட்ட மேலாளர் துய்யவன் தலைமையில், பொங்கல் விழா மிக விமரிசையாக கொண்டாடப்பட்டது. ஒருங்கிணைந்த பள்ளி கல்வி வட்டார வள மைய மேற்பார்வையாளர் குளோரி எப்சி, ஒன்றிய மேலாளர்கள் நிஷ்யா, கீதா, சூரியகலா, கோவிந்தன் ஆகியோர் முன்னிலை வகித்தனர்.
விழாவில், ஒருங்கிணைந்த பள்ளி கல்வி மாவட்ட ஒருங்கிணைப்பாளர் திருப்பதி, மையத்தில் பயிலும் 62 மாணவர்களுக்கு புத்தாடைகள் வழங்கினார். குழந்தை தொழிலாளர் முறை அகற்றும் திட்டத்தின் உதவி பொது மேலாளர் மோகனவேல் மற்றும் திட்ட மேலாளர்கள் சுந்தர், நம்பிராஜன், ராஜவேலன் ஆகியோர் மாணவர்களுக்கு வாழ்த்துரை வழங்கினர்.
மாணவர்களின் கலை நிகழ்ச்சிகள் மற்றும் தனித்திறன் போட்டிகள் நடைபெற்றன. வெற்றி பெற்ற மாணவர்களுக்கு பரிசுகள் வழங்கப்பட்டு, அனைவரும் சந்தோஷமாக விழாவில் பங்கேற்றனர்.
சமத்துவ பொங்கல் விழா:
குன்றத்துார் ஒன்றியத்திற்குட்பட்ட செரப்பனஞ்சேரி கிராமத்தில், இருளர் மற்றும் பழங்குடியினர் வாழ்ந்து வருகின்றனர். தமிழர் திருநாளான பொங்கல் பண்டிகையை முன்னிட்டு, த.வெ.க. சார்பில் சமத்துவ பொங்கல் விழா விமரிசையாக கொண்டாடப்பட்டது.
இதில், 50க்கும் மேற்பட்ட இருளர் மற்றும் பழங்குடியினர் குடும்பங்களுக்கு கரும்பு, மளிகை பொருட்கள், பாய் மற்றும் பிற தேவையான பொருட்கள் வழங்கப்பட்டன. கிராம மக்கள் அனைவரும் ஒற்றுமையுடன் கலந்து கொண்டு, பொங்கல் பண்டிகையின் மகிழ்ச்சியை பகிர்ந்து கொண்டனர்.
இந்த விழாக்கள், சமூகத்தில் ஒற்றுமை மற்றும் சமத்துவத்தை வெளிப்படுத்துவதுடன், குழந்தைகளின் கல்வி மற்றும் கலை வளர்ச்சிக்கும் உதவியாக இருந்தன.
