கன்னியாகுமரியில் உள்ள திருவள்ளுவர் சிலை மற்றும் விவேகானந்தர் பாறை இடையே அமைக்கப்பட்ட புதிய கண்ணாடி கூண்டுப் பாலத்தை தமிழக முதல்வர் மு.க. ஸ்டாலின் நேற்று (டிச. 30) திறந்து வைத்தார். இந்த பாலம், கடல் நீர்மட்டம் குறைவு மற்றும் கடல் சீற்றம் காரணமாக பல முறை இடைவெளி ஏற்படும் படகு போக்குவரத்து சிரமத்தை சமாளிக்க சுற்றுலாப் பயணிகளின் கோரிக்கையின் அடிப்படையில் அமைக்கப்பட்டுள்ளது.
ரூ. 37 கோடியில் கட்டப்பட்ட இந்த பாலம் 77 மீட்டர் நீளம் மற்றும் 10 மீட்டர் அகலத்தை கொண்டுள்ளது. நவீன தொழில்நுட்பத்துடன் கண்ணாடி கூண்டுப் பாலம் வடிவமைக்கப்பட்டுள்ளது. முதல்வர் ஸ்டாலின், திருவள்ளுவர் சிலை வெள்ளி விழா நிகழ்ச்சியில் பங்கேற்க வந்த போது இந்த புதிய பாலத்தை திறந்து வைத்தார்.
அவருடன் துணை முதல்வர் உதயநிதி, அமைச்சர்கள் துரைமுருகன், கே.என். நேரு, தங்கம் தென்னரசு உள்ளிட்டோர் பங்கேற்றனர். திருவள்ளுவர் சிலை வெள்ளி விழாவுக்கான விழாக்கோலம் கன்னியாகுமரி நகரில் விரிந்துள்ளது.
