மதுரை ஹானா ஜோசப் மருத்துவமனையின் மருத்துவர்கள், மூளை அனியுரிசம் கட்டி வெடித்திருந்த 9 மாதக் குழந்தைக்கு மிகச்சிக்கலான நியூரோ எண்டோவாஸ்குலர் அறுவை சிகிச்சையை வெற்றிகரமாக மேற்கொண்டு ஒரு முக்கிய சாதனை படைத்துள்ளனர். தென் தமிழகத்தில் நரம்பியல் மற்றும் விபத்து சிகிச்சைக்காக பரிந்துரைக்கப்படும் முன்னணி மருத்துவமனையான ஹானா ஜோசப் மருத்துவமனை, குழந்தையின் மூளையில் ஏற்பட்ட அனியுரிசம் வெடிப்பை ஆஞ்சியோகிராம் சோதனை மூலம் கண்டறிந்தது.
மருத்துவக் குழு, பலூன் அசிஸ்டட் காயில் (Balloon Assisted Coiling) முறையை பயன்படுத்தி, குழந்தையின் உயிரை காப்பாற்றும் சிகிச்சையை மிகவும் பரிநிதியுடன் செய்துள்ளது. இது மதுரையில் மிக அரிதாக மேற்கொள்ளப்படும் மருத்துவ முறைகளில் ஒன்றாகும். உலகளவில் சில மருத்துவமனைகளில் மட்டுமே இதுபோன்ற சிகிச்சைகள் சிறுவர்களுக்கு மேற்கொள்ளப்படுகின்றன.
இந்த வெற்றிகரமான அறுவை சிகிச்சை இந்திய மருத்துவ வளர்ச்சிக்கான முக்கியமான முன்னேற்றமாகும். குழந்தைகளுக்கான இத்தகைய அபூர்வமான அறுவை சிகிச்சைகள் மிகக் குறைவாக மேற்கொள்ளப்படுவதால், இது ஒரு முக்கிய மருத்துவ சாதனையாகக் கருதப்படுகிறது. இதனால் எதிர்காலத்தில் இப்படிப் போன்று சிக்கலான மருத்துவமுறைகளை எதிர்கொள்ள வேண்டிய நோயாளிகளுக்கு நம்பிக்கை ஏற்படும் என ஹானா ஜோசப் மருத்துவமனையின் சேர்மன் மற்றும் மேலாண்மை இயக்குநர் டாக்டர் அருண்குமார் பத்திரிக்கையாளர் சந்திப்பில் தெரிவித்தார்.
இந்த நிகழ்வில் மருத்துவர்கள் விநாயகமணி மற்றும் தலைமை சந்தை மேலாளர் சேகர் உடன் இருந்தனர். ஹானா ஜோசப் மருத்துவமனை, மருத்துவ சாதனைகளை மேலும் வளர்த்துவிட்டு, இந்திய மருத்துவத் துறையை உலகளவில் ஒரு புதிய உயரத்திற்கு கொண்டு செல்லும் முயற்சியில் தொடர்ந்து செயல்படுவதாக அறிவித்தது.
