உசிலம்பட்டி சக்கரவர்த்தி வித்யாலயா பள்ளியில் நடைபெற்ற இலவச மாபெரும் கண் சிகிச்சை முகாமில், சுமார் 200க்கும் மேற்பட்ட பெற்றோர்கள், மாணவர்கள் மற்றும் பொதுமக்கள் பயனடைந்தனர். இந்த முகாம் பள்ளியின் தாளாளர் முனைவர் வேல்முருகன் மற்றும் தலைமை ஆசிரியை அமுதபப்ரியா தலைமையில் நடைபெற்றது.
முகாமினை நல்லாசிரியர் விருது பெற்ற ஆசிரியர் ராஜேந்திரன் மற்றும் மம்மி டாடி உரிமையாளர் நிஜாமுதீன் ஆகியோர் துவக்கி வைத்தனர். முகாமில் கண் குறைபாடுகள், கண்ணில் சதை வளர்ச்சி, கிட்டப் பார்வை மற்றும் தூரப்பார்வை குறைபாடுகள், கண்ணில் நீர் கசிதல் போன்ற நோய்களுக்கு இலவச ஆலோசனைகள் வழங்கப்பட்டன.
அதன்போது, கண் கண்ணாடிகள் வழங்குவதற்கும், கண் ஆபரேஷன் செய்ய தேவையான வழிகாட்டுதல்களும் வழங்கப்பட்டது. ஐ பவுண்டேஷன் சூப்பர் ஸ்பெஷாலிட்டி ஆஸ்பத்திரியின் செய்தி தொடர்பாளர் ஜெயபிரகாஷ் மற்றும் ஆசிரிய பெருமக்கள் இம்முகாமிற்கான ஏற்பாடுகளை செய்திருந்தனர்.
இந்த முகாம் மூலம், பொதுமக்களின் கண் ஆரோக்கியத்தை மேம்படுத்துவதற்கான முயற்சிகள் மிகவும் பாராட்டுதலுக்குரியது.
