மதுரை மாவட்ட ஆட்சியர் சங்கீதா மற்றும் அவரது குழு, கூடுதல் ஆட்சியர் மோனிகா ராணா, பயிற்சி துணை ஆட்சியர் அனிதா ஆகியோர் "உங்களைத் தேடி உங்கள் ஊரில்" திட்டத்தின் கீழ் உசிலம்பட்டி பகுதியில் முகாமிட்டு ஆய்வு செய்து வருகின்றனர். இந்த முகாமில், உசிலம்பட்டி மற்றும் செல்லம்பட்டி ஒன்றியத்திற்குட்பட்ட அரசு அலுவலர்களுடன் ஆலோசனை நடத்தப்பட்டு, பொதுமக்களின் கோரிக்கைகள் மற்றும் தேவைகள் பற்றி ஆய்வு செய்யப்பட்டது.
இந்தக் கூட்டத்தின் போது, உசிலம்பட்டி நகர் மன்ற தலைவர் சகுந்தலா தலைமையில் நகர் மன்ற உறுப்பினர்கள், உசிலம்பட்டி பேருந்து நிலைய பணிகள் விரைவில் முடிக்க நடவடிக்கைகள் எடுக்க கோரிக்கை மனு அளித்தனர். பேருந்து நிலைய விரிவாக்கத்திற்கான ஊராட்சி ஒன்றிய இடத்தை கையகப்படுத்துவது தொடர்பாக நீதிமன்றத்தில் வழக்கு நிலுவையில் இருப்பதாக தெரிவித்த ஆட்சியர், வழக்கு முடிந்ததும் பணிகள் விரைவில் நிறைவேற்றப்படும் என உறுதியளித்தார்.
இக்கூட்டத்தின் பின்பு, மதுரை மாவட்ட ஆட்சியர் சங்கீதா இன்று இரவு பொதுமக்களுடன் தங்கி அவர்களுடைய குறைகளை கேட்டறிய திட்டமிட்டுள்ளார்.
