கர்நாடகா மாநிலத்தில் உள்ள காவிரி நீர்ப்பிடிப்பு பகுதிகளில் தொடர்ச்சியாக மழை பெய்து வருகின்றது. இதன் மூலம் கிருஷ்ணராஜசாகர் மற்றும் கபினி அணைகளுக்கு தண்ணீர் வந்து, இந்த அணைகளில் இருந்து காவிரி ஆற்றில் உபரி நீர் தமிழகத்திற்கு திறக்கப்பட்டது.
இந்த நிலவரத்தில், தமிழகத்தின் காவிரி நீர்ப்பிடிப்பு பகுதிகளில் இரவு நேரங்களில் மழை பெய்து, மேட்டூர் அணைக்கு நீர்வரத்து அதிகரிக்க தொடங்கியுள்ளது. கடந்த சில தினங்களில், மேட்டூர் அணைக்கு நீர்வரத்து அதிகரித்து, நேற்று முன்தினம் வினாடிக்கு 7,414 கன அடியாக இருந்த நீர்வரத்து, நேற்று காலையில் 9,246 கன அடியாக உயர்ந்தது.
இன்றும், காலை 32,240 கன அடியாக நீர்வரத்து பதிவாகியுள்ளதால், மேட்டூர் அணையின் நீர்மட்டம் இன்று 113.39 அடியாக உயர்ந்துள்ளது. அணையின் நீர் இருப்பு 83.05 டி.எம்.சி. ஆக உள்ளது. அணையின் நீர்தேக்கம் தொடர்ந்து அதிகரித்து, காவிரி ஆற்றில் வினாடிக்கு 1000 கன அடியும், கிழக்கு-மேற்கு கால்வாய் பாசனத்திற்கு 300 கன அடி தண்ணீரும் வெளியேற்றப்படுகிறது.
