இந்தியாவின் வரலாற்றில் முக்கிய இடம் பெற்றுள்ள சேலம் மாவட்டம், 1792ஆம் ஆண்டு பிரிட்டிஷ் ஆட்சி காலத்தில் உருவான முதல் மாவட்டமாக வரலாற்றில் பதிவு செய்யப்பட்டுள்ளதனால், அதன் 234வது ஆண்டு தொடக்க விழா இன்று மகிழ்ச்சியுடன் கொண்டாடப்பட்டது.
“ஏழைகளின் ஊட்டி” என்ற பெயரால் அழைக்கப்படும் சேலம், தனது நவீன வளர்ச்சியுடன் பழமையான மரபையும் தக்க வைத்திருக்கும் மாவட்டமாகும். இதன் பெருமையை உணர்த்தும் விதமாக, நுகர்வோர் உரிமைகள் இயக்கம் சார்பில் அதன் நிறுவனர் முனைவர் பூபதி தலைமையில் சிறப்பு நிகழ்ச்சி நடைபெற்றது.
நிகழ்வின் முக்கிய அம்சமாக, 234வது ஆண்டு நினைவு கேக் வெட்டும் நிகழ்வு நடைபெற்றது. இதில் ரோட்டரி சங்க உறுப்பினர்கள், வழக்கறிஞர்கள், சமூக ஆர்வலர்கள், மாணவர்கள் மற்றும் பொதுமக்கள் கலந்து கொண்டு விழாவை சிறப்பித்தனர்.
பேசிய பூபதி, “சேலத்தின் வரலாற்றை அறிந்து கொள்ள இளைஞர்கள் முன்வர வேண்டும். இது வெறும் நிர்வாக மாவட்டம் அல்ல, நம் பண்பாட்டு அடையாளம்,” என்று கூறினார்.
சேலத்தில் இன்று பல தொழிற்சாலைகள், கல்வி நிறுவனங்கள், மருத்துவ வசதிகள் உள்ள நிலையில், அதன் ஆதிகால அடையாளங்களும் தக்கவைக்கப்பட வேண்டும் என்பதையும் விழாவில் வலியுறுத்தப்பட்டது.
சேலம் மாவட்ட ஆட்சித்தலைவர் மற்றும் நகராட்சி நிர்வாகமும் இந்த நிகழ்வுக்கு வாழ்த்துகளை தெரிவித்தன. சமூக வலைதளங்களில் #Salem234 என்ற ஹாஷ்டேக் வைரலாகி வருகிறது.
இந்த நிகழ்வு சேலம் மாவட்டத்தின் வரலாற்று சிறப்பை மீண்டும் ஒரு முறை ஒளியோடிட்டு, அதன் எதிர்கால வளர்ச்சிக்கு உறுதியான அடித்தளமாக அமைந்துள்ளது.
