திருப்புத்தூர் ஒன்றியத்தின் சுள்ளாம்பட்டியில், சின்னையா பட்டவன் மற்றும் தொட்டிச்சி கோயில் விழாவை முன்னிட்டு நடத்திய வட மஞ்சுவிரட்டு விழா விறுவிறுப்பாக நடைபெற்றது. மாடு பிடிக்க அணிக்கு தலா 9 மாடு பிடிவீரர்கள் கலந்து கொண்டனர். மாடு பிடிக்க ஒவ்வொரு அணிக்கும் 20 நிமிடங்கள் வழங்கப்பட்டன. வீரத்துடன் மாடு பிடிக்க முயன்றதில் 5 பேர் காயமுற்றனர்.
விழாவில் வெற்றி பெற்ற மாடுகளுக்கும் மாடு பிடி வீரர்களுக்கும் பரிசுத் தொகைகள் வழங்கப்பட்டன.
நாட்டரசன்கோட்டையில் நடைபெற்ற மற்றொரு வட மஞ்சுவிரட்டில், மதுரை, ராமநாதபுரம், புதுக்கோட்டை உள்ளிட்ட பகுதிகளில் இருந்து 17 காளைகள் பங்கேற்றன. அவற்றை அடக்க 153 வீரர்கள் களமிறங்கினர். வீரர்களும் மாட்டின் உரிமையாளர்களும் பரிசுகளால் கௌரவிக்கப்பட்டனர். விழா அமைப்பாளர்களின் ஏற்பாடுகள் சிறப்பாக இருந்தன.
