மாவட்ட வேலைவாய்ப்பு அலுவலகத்தில் 5 ஆண்டுகளுக்கும் மேல் காத்திருப்போருக்கு அரசு உதவித்தொகை வழங்கப்பட உள்ளது. இதற்கான தகுதி அளவுகோள்களாக, பத்தாம் வகுப்பு தோல்வி அல்லது தேர்ச்சி பெற்றிருக்க வேண்டும். அதற்கும் மேல் படித்தவர்களும் தகுதி வாய்ந்தவர்களாக இருப்பர்.
உதவித்தொகை பெற விண்ணப்பிக்க விரும்புவோர், தனியார் நிறுவனங்களில் வேலை செய்து கொண்டிருப்பவராகவோ அல்லது சுயதொழில் செய்பவராகவோ இருக்கக் கூடாது.
விண்ணப்பம் பதிவுசெய்ய விரும்புபவர்கள் http://tnvelaivaaippu.gov.in என்ற அரசாங்கத்தின் அதிகாரப்பூர்வ இணையதளத்தில் சென்று, விண்ணப்பத்தை பதிவிறக்கம் செய்து பூர்த்தி செய்து, அனைத்து தேவையான ஆவணங்களுடன் மாவட்ட வேலைவாய்ப்பு அலுவலகத்தில் சமர்ப்பிக்க வேண்டும்.
மேலும், உதவித்தொகை தொடர்பான மேலதிக தகவல்களைத் தெரிந்துகொள்ளவும், விண்ணப்பம் சமர்ப்பிக்கும் முறைகள் குறித்து அறியவும், மாவட்ட வேலைவாய்ப்பு அலுவலகத்தை நேரடியாக அணுகலாம் என்று மாவட்ட கலெக்டர் ஷஜீவனா அறிவுறுத்தியுள்ளார்.
இது வேலைவாய்ப்புக்காக காத்திருக்கும் பலருக்கும் ஆதரவாகவும், உதவியாகவும் அமையும் என அதிகாரிகள் நம்பிக்கை தெரிவித்துள்ளனர்.
