தமிழக அரசு, டித்கோ (தமிழ்நாடு தொழில் வளர்ச்சி நிறுவனத்தின்) மூலம் 200 கோடி ரூபாய் செலவில், 1,700 ஏக்கர் பரப்பளவில் அறிவுசார் நகரத்தை உருவாக்கவுள்ளது. இந்த அறிவுசார் நகரம், கல்வி, ஆராய்ச்சி மற்றும் தொழில்துறை நிறுவனங்களுக்கான தளமாக செயல்படும்.
இதில், உள்நாட்டு மற்றும் வெளிநாட்டு பல்கலைக்கழகங்கள், கல்வி நிறுவனங்கள் தங்களின் கிளைகள், ஆய்வகங்கள், திறன் மேம்பாட்டு மையங்களை அமைக்கலாம். இது, தமிழக மாணவர்களுக்கு சர்வதேச தரத்தில் கல்வி வழங்குவதோடு, உலகளாவிய அறிவு பரிமாற்றம் நிகழ்த்தும் வாய்ப்பையும் தருகிறது.
அறிவுசார் நகரத்தில், உலக தரத்தில் உள்கட்டமைப்புகளை உருவாக்க வேண்டும் என்பதற்கான பணிகள் தற்போது மேற்கொள்ளப்படுகின்றன. இதில், தேசிய கடல் வளத்துறை தொழில்நுட்ப கழகம், மத்திய பிளாஸ்டிக் பொறியியல் மற்றும் தொழில்நுட்ப கழகம், மத்திய தோல் ஆராய்ச்சி நிறுவனம் உள்ளிட்ட அனைத்து தேசிய கல்வி மற்றும் தொழில் நிறுவனங்களுக்கு, தொழில் துவங்கும் அழைப்பு அனுப்பப்பட்டுள்ளது.
இந்த முயற்சி, தமிழக கல்வி மற்றும் தொழில் வளர்ச்சிக்கு ஒரு முக்கிய முன்னேற்றமாக அமையும்.
