தமிழ்நாடு விளையாட்டு மேம்பாட்டு ஆணையத்தின் ஏற்பாட்டில், முதல்-அமைச்சர் கோப்பிக்கான மாநில அளவிலான விளையாட்டு போட்டிகள் இன்று (வெள்ளிக்கிழமை) தொடங்கி, 24-ந்தேதி வரை நடைபெறவுள்ளது. இந்த மாநில விளையாட்டுப் போட்டிகள் சென்னை, கோவை, திருச்சி, மதுரை உள்ளிட்ட நான்கு நகரங்களில் நடைபெறுகிறது.
போட்டிகளின் தொடக்க விழா இன்று மாலை 4 மணிக்கு சென்னை நேரு உள்விளையாட்டு அரங்கில் நடைபெறவுள்ளது. பாராஒலிம்பிக் வெள்ளிப் பதக்கம் வென்ற துளசிமதி மற்றும் பிரபல டிரிபிள் ஜம்ப் வீரர் பிரவீன் சித்ரவேல் ஆகியோர் தொடக்க விழாவில் ஜோதியை ஏந்திச் செல்கின்றனர். இந்நிகழ்ச்சியை தமிழகத்தின் துணை முதல்-அமைச்சர் உதயநிதி ஸ்டாலின் தொடங்கி வைக்கிறார்.
போட்டிகளில் தடகளம், டென்னிஸ், பேட்மிண்டன், கபடி, சிலம்பம், பளுதூக்குதல், கால்பந்து, ஆக்கி, குத்துச்சண்டை, நீச்சல், கிரிக்கெட், கூடைப்பந்து, கைப்பந்து, கேரம், வாள்வீச்சு, செஸ், ஜிம்னாஸ்டிக்ஸ் உள்ளிட்ட 36 விளையாட்டுகள் இடம்பெறுகின்றன. இந்த முறை, இ-ஸ்போர்ட்ஸ் காட்சி போட்டியாகக் கூட்டப்பட்டு, புதிய வடிவில் கொண்டுவரப்பட்டுள்ளது.
முதல்-அமைச்சர் கோப்பிக்கான இந்த மாநில அளவிலான விளையாட்டுப் போட்டி அனைத்து வயதினரும் ஆர்வமுடன் பங்கெடுக்கும் வகையில், தமிழ்நாட்டின் விளையாட்டுப் போட்டிகளை மேம்படுத்தும் முக்கிய நிகழ்வாகவும் விளங்குகிறது.
