காங்கோ:
அண்டை நாடுகளில் பரவி வரும் புதிய மர்ம நோயினால் காங்கோவில் பரபரப்பு ஏற்பட்டுள்ளது. கடந்த 15 நாட்களில் 155 பேர் உயிரிழந்துள்ளார்கள். இந்த நோய் குறித்து உலக சுகாதார மையம் (WHO) விரிவான அறிக்கை வெளியிட்டுள்ளது.
அறிகுறிகள்:
இந்த மர்ம நோயின் அறிகுறிகளில் காய்ச்சல், தலைவலி, உடல் வலி மற்றும் சளி போன்றவை அடங்கும். உள்ளூர் அதிகாரிகள் கூறியுள்ளபடி, இதுவரை 200க்கும் அதிகமானோர் இந்த நோயின் காரணமாக பாதிக்கப்பட்டு, சிகிச்சை பெற்று வருகிறார்கள். நோயை அடையாளம் காண ஆராய்ச்சி மேற்கொண்டு வந்த பின், அதுவே மலேரியா என்ற முடிவிற்கு வந்துள்ளனர்.
மலேரியா மற்றும் ஊட்டச்சத்து குறைபாடு: காங்கோவின் மர்ம நோயின் காரணம்
உலக சுகாதார மையம் இந்த நோயை “மலேரியா” என்றும், அதனுடன் கூடிய “கடுமையான ஊட்டச்சத்து குறைபாடு” என்பதும் மரணத்திற்கு காரணமாக இருக்க முடியும் என்றும் தெரிவித்துள்ளது. குறிப்பாக, கடுமையான ஊட்டச்சத்து குறைபாடு மற்றும் ஏற்கனவே இருந்த இணை நோய்கள் (நிமோனியா, கோவிட்-19, எ.கோலி) ஆகியவை இந்த மர்ம நோயின் பரவலை அதிகரித்து இருக்கின்றன.
அறிக்கை விவரங்கள்:
- மொத்த பாதிப்புகள்: 406 சந்தேகமான நோயின் கேஸ்கள்
- இறப்புகள்: 143 இறப்புகள் (100 சுகாதார மையங்களில், 43 வீட்டில்)
- குழந்தைகள் பாதிப்பு: பெரும்பாலான நோயாளிகள் குழந்தைகளாக உள்ளனர்.
- பரவலின் தொடக்கம்: அக்டோபர் 24 முதல் நோய் பரவ தொடங்கியது. நவம்பர் மாதத்தில் இது உச்சியை எட்டியது.
- பரவலுக்கான காரணிகள்: கடுமையான நிமோனியா, இன்ஃப்ளூயன்ஸா, கோவிட்-19, தட்டம்மை, எ.கோலி மற்றும் மலேரியாவின் ஹீமோலிடிக் யூரிமிக் சிண்ட்ரோம், ஊட்டச்சத்து குறைபாடு ஆகியவை முக்கிய காரணிகளாக இருக்கின்றன.
WHO கவனம்
WHO, இந்த நோயின் பரவலை கட்டுப்படுத்த தீவிரமாக பரிசோதனை மேற்கொண்டு, நோயின் தாக்கத்தை குறைக்கும் முயற்சிகளை மேற்கொள்ள விரும்புகிறது. இது, காங்கோவில் நிலவும் சுகாதார சூழலை மேலும் தீவிரமாக மாற்றக்கூடும்.
