பிரபல தென்னிந்திய நடிகரும், இந்திய திரைப்பட உலகின் முக்கியமான நட்சத்திரங்களில் ஒருவருமான சிரஞ்சீவி, பிரிட்டன் பார்லிமென்டில் வாழ்நாள் சாதனையாளர் விருது பெற்றார். இந்திய சினிமாவில் பல ஆண்டுகளாக சிறந்த நடிகராக தனது வரலாற்றை எழுதி வரும் அவருக்கு, திரைப்படத் துறையில் செய்த முக்கிய பங்களிப்பை பாராட்டி இவ்விருது வழங்கப்பட்டது.
இங்கிலாந்தின் பார்லிமென்ட் கட்டிடத்தில் நடைபெற்ற விழாவில், பல்வேறு பிரபல அரசியல் மற்றும் சமூக தலைவர்களும், திரைப்படத்துறையையும் சேர்ந்த பிரதிநிதிகளும் கலந்து கொண்டனர். சிரஞ்சீவி, இந்திய திரைப்படத்துறையில் 45 ஆண்டுகளாக இருந்து வருகிறார், மேலும் 150-க்கும் அதிகமான படங்களில் நடித்து, அவரின் தனித்துவமான நடிப்பு திறனால் கோடிக்கணக்கான ரசிகர்களை ஈர்த்துள்ளார்.
இந்த விருது பெற்றதில் பெருமிதம் கொண்ட சிரஞ்சீவி, "இந்திய சினிமாவிற்கு நான் செய்த பங்களிப்பை உலகளவில் அங்கீகரிக்கப்படுவதில் பெரும் மகிழ்ச்சி அடைகிறேன். இந்த அங்கீகாரம், எனது ரசிகர்களுக்கும், குடும்பத்திற்கும் சமர்ப்பிக்கிறேன்," என உணர்ச்சிப்பூர்வமாக தெரிவித்தார்.
அவரின் திரைப்பயணம் வெறும் ஒரு நடிகராக மட்டுமல்ல, சமூக சேவை, தயாரிப்பு மற்றும் அரசியல் ஆகியவைகளிலும் முக்கிய பங்கு வகித்துள்ளார். அவரின் ‘சிரஞ்சீவி ப்ளட் & ஐ எண்டர் டோனேஷன்’ அமைப்பு பல ஆயிரக்கணக்கான மக்களுக்கு உதவியுள்ளது.
இந்த விருது பெற்றதை தொடர்ந்து, இந்தியா முழுவதும் அவரது ரசிகர்கள் சமூக வலைதளங்களில் கொண்டாட்டங்களை நடத்தி வருகிறார்கள். பல பிரபல நடிகர்கள், இயக்குநர்கள் மற்றும் அரசியல் தலைவர்கள் அவருக்கு வாழ்த்துக்கள் தெரிவித்துள்ளனர்.
