இந்த ஆண்டின் மிகப்பெரிய லாபம் ஈட்டிய திரைப்படம் "பிரேமலு" ஆகும். காதல் மற்றும் நகைச்சுவை கதைக்களத்தில் உருவான இப்படம், எந்த நட்சத்திரங்களும் இல்லாமல், புதுமுகங்களை வைத்து 136 கோடி ரூபாய் வசூல் செய்து, இந்த ஆண்டின் மிக அதிக வசூல் செய்த இந்தியப் படங்களில் ஒன்றாக விளங்கியுள்ளது. 3 கோடி ரூபாய் பட்ஜெட்டில் எடுக்கப்பட்ட இப்படம், அதன் பட்ஜெட்டை விட 45 மடங்கு அதிக லாபத்தை பெற்றுள்ளது.
இந்த படத்தில் முக்கிய கதாபாத்திரங்களில் நஸ்லென் மற்றும் மமிதா பைஜு நடித்துள்ளனர். தற்பொழுது, இப்படம் ஆஹா ஓ.டி.டி தளத்தில் தெலுங்கு மொழியில், மற்றும் டிஸ்னி பிளஸ் ஹாட்ஸ்டாரில் தமிழ், மலையாளம் மற்றும் இந்தி மொழிகளில் கிடைக்கிறது. இப்படத்தின் வெற்றியைத் தொடர்ந்து, "பிரேமலு 2" படத்தை தயாரிப்பாளர்கள் அறிவித்துள்ள நிலையில், அதற்கான படப்பிடிப்பு பணிகள் ஜூன் மாதம் தொடங்கவுள்ளதாகவும், படம் இந்த ஆண்டின் டிசம்பர் மாதத்தில் வெளியிடப்படும் என அறிவிக்கப்பட்டுள்ளது.