மலையாள சினிமாவின் முன்னணி நடிகர் பகத் பாசில், தமிழ் மற்றும் தெலுங்கு திரைப்படங்களிலும் வெற்றிகரமாக நடித்துள்ளார். கேரளாவில் பெரிய ரசிகர்களைக் கொண்ட இவர், தமிழ் சினிமா ரசிகர்களையும் வெற்றிகரமாக ஈர்த்துள்ளார். சமீபத்தில் ரஜினிகாந்த் நடித்த வேட்டையன் படத்தில் நகைச்சுவை கதாபாத்திரத்தில் மிகச் சிறப்பாக நடித்து கவனம் பெற்ற பகத் பாசில், புஷ்பா 2 படத்தில் வில்லனாக நடித்துள்ளார். இந்த படமும் ரூ.1,600 கோடி வசூலித்து மிகப்பெரிய வெற்றியைப் பெற்றுள்ளது.
இந்த நிலையில், பகத் பாசில் தற்போது பாலிவுட்டில் அறிமுகமாக இருக்கிறார். தி இடியட் ஆப் இஸ்தான்புல் என்ற படத்தில் இவர் கதாநாயகனாக நடிக்கப் போவதாக இயக்குனர் இம்தியாஸ் அலி உறுதிப்படுத்தியுள்ளார். அவர் பேட்டியில் கூறியதாவது: "நான் பல வருடங்களாக தி இடியட் ஆப் இஸ்தான்புல் படத்தை இயக்க விரும்புகிறேன், அதில் பகத் பாசிலை நடிக்க வைத்து இயக்க வேண்டும் என்பது என் திட்டம். ஆனால் அது என் அடுத்த படம் தானா என்பதை எனக்கு தெரியவில்லை."
இது, பகத் பாசிலின் ரசிகர்களிடையே பெரும் எதிர்ப்பார்ப்பை ஏற்படுத்தி, அவரின் புதிய திரைப்பயணத்திற்கு ஒரு புதிய மைல்கல்லாக இருக்கப் போகும்.